ప్ర‌జా స‌మ‌స్య‌లు తెలుసుకునేందుకు వైయ‌స్ జ‌గ‌న్ ప్ర‌జా సంక‌ల్ప‌యాత్ర చేప‌డుతున్నారు. అయితే ఆయ‌న అనుకోకుండా ఇవాళ అత్య‌వ‌స‌రంగా హైద‌రాబాద్‌కు ప్ర‌యాణమ‌య్యారు. కార‌ణం ఏంటో తెలుసా?..దివంగ‌త ముఖ్య‌మంత్రి వైఎస్ రాజ‌శేఖ‌ర‌రెడ్డికి అత్యంత స‌న్నిహితుడైన డీఏ సోమ‌యాజులు తీవ్ర అస్వ‌స్థ‌త‌కు గురై హైద‌రాబాద్‌లోని ఓ ఆసుప‌త్రిలో చికిత్స పొందుతున్నారు. ఆయ‌న్ను ప‌రామ‌ర్శించేందుకు జ‌గ‌న్ త‌న పాద‌యాత్ర‌కు విరామం ప్ర‌క‌టించి ఈ రాత్రికి హైద‌రాబాద్ కు బ‌య‌లుదేరారు.

డీఏ సోమ‌యాజులు గ‌తంలో ఆర్థిక వేత్త‌గా ప‌నిచేశారు. ఆయ‌న ప‌నితీరుకు ముగ్ధుడైన వైఎస్ రాజ‌శేఖ‌ర‌రెడ్డి త‌న హ‌యాంలో కేవీపీ రామ‌చంద్రారావుతో పాటు సోమ‌యాజులును స‌ల‌హాదారుగా నియ‌మించారు. దీంతో మ‌హానేత‌కు త‌ల‌లో నాలుక‌గా సోమ‌యాజులు ప‌నిచేశారు. న‌మ్మ‌క‌మైన వ్య‌క్తిగా పేరు గాంచారు. వైఎస్ఆర్ మ‌ర‌ణాంత‌రం ఆయ‌న కుమారుడు వైఎస్ జ‌గ‌న్‌కు బాస‌ట‌గా నిలిచారు. వైఎస్ఆర్‌సీపీ ఆవిర్భావం సంద‌ర్భంగా విధాన‌ప‌ర‌మైన స‌ల‌హాలు, సూచ‌న‌లు ఇచ్చి త‌న వంతు స‌హ‌కారం అందించారు. కిర‌ణ్‌కుమార్‌రెడ్డి ముఖ్య‌మంత్రి కాగానే త‌న స‌ల‌హాదారు ప‌ద‌వికి రాజీనామా చేసి జ‌గ‌న్ వెంట న‌డిచారు.

సోమ‌యాజుల‌కు అన్ని పార్టీల నాయ‌కుల‌తో స‌న్నిహిత సంబంధాలు ఉన్నాయి. టీఆర్ఎస్‌లోని ప‌లువురు మంత్రుల‌కు, తెలుగు రాష్ట్రాల‌ కాంగ్రెస్ నేత‌ల‌కు ఈయ‌న స‌ల‌హాలు ఇచ్చేవారు. త‌న‌కు తోడుగా నిలిచిన పెద్ద‌మ‌నిషి ఆసుప‌త్రిలో చికిత్స పొందుతుండ‌టంతో వైఎస్ జ‌గ‌న్ త‌న పాద‌యాత్ర‌కు ఒక‌రోజు విరామం ప్ర‌క‌టించి ప‌రామ‌ర్శించేందుకు రావ‌డం గ‌మ‌నార్హం.

అతిలోక సుందరి శ్రీదేవి అకాల మరణం చెంది మూడు నెలలు కావస్తున్నా ఆమె మృతిపై అనుమానాలు వ్యక్తమవుతూనే ఉన్నాయి. దుబాయ్‌లోని జుమేరా ఎమిరేట్స్‌ టవర్‌ హోటల్‌లో ఫిబ్రవరి 24 న ప్రమాదవశాత్తు బాత్‌టబ్‌లో పడి శ్రీదేవి మరణించారు. మొదట శ్రీదేవి గుండెపోటుతో చనిపోయినట్టు కథనాలు వచ్చాయి. ఆ తర్వాత గుండెపోటుతో కాదు.. స్పృహ కోల్పోయి తన హోటల్‌లో గదిలోని బాత్‌టబ్‌లో ప్రమాదవశాత్తు పడిపోవడం వల్ల ఆమె చనిపోయిందని, దీని వెనుక ఎలాంటి నేరపూరిత కారణం కనిపించడం లేదని దుబాయ్‌ పోలీసులు తేల్చారు. 

అయితే తాజాగా ఢిల్లీకి చెందిన వేద్‌ భూషణ్‌ అనే మాజీ అసిస్టెంట్‌ కమిషనర్‌ శ్రీదేవి మృతిపై వివాదాస్పద వ్యాఖ్యలు చేశారు. శ్రీదేవిని పక్కా ప్లాన్‌ ప్రకారమే హత్య చేశారని ఆయన అన్నారు. బాత్‌టబ్‌లో బలవంతంగా ముంచి చంపడం చాలా సులువని, అలా చేస్తే మునిగి చనిపోయారని చెప్పి తప్పించుకునే అవకాశం ఉంటుందన్నారు. శ్రీదేవి ప్రమాదవశాత్తు చనిపోలేదని, ఆమెను పథకం ప్రకారం చంపేశారని అనిపిస్తోందని ఆయన వ్యాఖ్యానించారు. దుబాయ్‌ డాక్టర్లు ఇచ్చిన ఫోరెన్సిక్‌ నివేదికపై కూడా ఆయన సందేహాలు వ్యక్తం చేశారు. ఈ కేసులో ఇంకా చాలా విషయాలు తెలుసుకోవాలని ఆయన అన్నారు.  ఏసీపీగా రిటైర్డ్‌ అయి ప్రస్తుతం డిల్లీలో ఓ ప్రైవేటు ఇన్వెస్టిగేషన్‌ ఏజెన్సీని నడుపుతున్న వేద్‌ భూషణ్‌ శ్రీదేవి మృతి చెందిన హోటల్‌కు కూడా వెళ్లారని, కానీ శ్రీదేవి మృతి చెందిన గదిలో సిబ్బంది అనుమతించలేదని ఓ మీడియా సంస్థ పేర్కొంది. దీంతో అదే హోటల్‌లో వేరొక గదిలో ఉన్న ఆయన, శ్రీదేవి మరణానికి దారితీసిన పరిస్థితులను అంచనా వేసినట్టు తెలిపింది.

కాగా, ఇదివరకే శ్రీదేవి అనుమానాస్పద పరిస్థితుల్లోనే మరణించారని సందేహం వ్యక్తం చేస్తూ.. స్వతంత్ర విచారణ చేపట్టాలని సునీల్‌ సింగ్‌ అనే వ్యక్తి సుప్రీంకోర్టులో పిటిషన్‌ దాఖలు చేశారు. ఒమన్‌లో శ్రీదేవి పేరిట ఉన్న రూ. 240 కోట్ల ఇన్సూరెన్స్‌ పాలసీ ఆమె దుబాయ్‌లో మరణిస్తేనే సొమ్మును విడుదల చేస్తారని పిటిషనర్‌ తరపు న్యాయవాది కోర్టుకు నివేదించారు. అయితే ప్రధాన న్యాయమూర్తి జస్టిస్‌ దీపక్‌ మిశ్రా నేతృత్వంలోని బెంచ్‌ మాత్రం ఈ పిటిషన్‌ను తిరస్కరించింది. ఇప్పటికే ఇలాంటి రెండు పిటిషన్లను నిరాకరించామని గుర్తు చేసింది. ఈ కేసులో జోక్యం చేసుకోలేమని దీపక్‌ మీశ్రా పేర్కొన్నారు. 

కుక్క అనుకుని రెండేళ్లు ఓ జంతువును పెంచింది ఓ మహిళా తీరా చూస్తే ఆది కుక్క కాదని తెలిసి నోరెళ్లబెట్టింది. దీంతో రెండేళ్ల తన శ్రమ వృధా అయిందనుకుని ఫారెస్ట్ అధికారులకు ఆ జంతువును అప్పజెప్పింది.. ఇంతకీ ఏంటా కథ.. వివరాల్లోకి వెళితే చైనాకు చెందిన 'మిస్ యూ' రెండేళ్ల కిందట దగ్గరలోని ఫారెస్ట్ కు వెళ్ళింది అక్కడ అచ్చం కుక్క లాగ ఉండే ఓ జంతువు కనిపించింది. ఇదేదో వింతజాతి కుక్క అనుకుంది. వెంటనే దాన్ని ఇంటికి తీసుకువచ్చింది. రెండేళ్ల పాటు బలమైన ఆహరం పెట్టి ఆ జంతువును పెంచింది.. ఈ క్రమంలో అది విపరీతమైన బరువు పెరగడం చూసి ఆశ్చర్యపోయింది.. ఎందుకు వచ్చిన గొడవలే అనికుని దానికి ఒక బోను ఏర్పాటు చేసి అందులో ఆ జంతువును ఉంచింది. ఆ తరువాత అది దాదాపు 200 కిలోల బరువు పెరగడం చూసి ఫారెస్ట్ అధికారులకు సమాచారమిచ్చింది. ఆ జంతువును చూసిన అధికారులు ఇది కుక్క పిల్ల కాదు ఎలుగుబంటి అని సమాధానమిచ్చారు.. దీంతో ఖంగుతిన్న మిస్ యూ దాన్ని  వారికి అప్పజెప్పింది. 

ముహూర్తం కుదిరింది.. కలుసుకునేందుకు ప్లేస్ ఫిక్స్ అయ్యింది.. ఇక మిగిలింది చర్చలే. యావత్ ప్రపంచాన్ని ఉత్కంఠకు.. అంతకుమించి ఆసక్తిని రేకెత్తించిన అమెరికా, ఉత్తర కొరియా అధ్యక్షులు ట్రంప్, కిమ్ భేటీకి అంతా ఓకే అయ్యింది. వచ్చే నెల 12న సింగపూర్‌లో ఇద్దరు యోధుల చరిత్రాత్మక సమావేశానికి సర్వం సిద్ధమైంది. 

ఎత్తుకు పై ఎత్తులు.. మాటలకు మించిన డైలాగులు.. అణ్వాయుధాల విషయంలో ఆంక్షలు ఎదుర్కొన్నా వెనకడుగు వేయని వైనం.. మూడో ప్రపంచ యుద్ధం వస్తుందా అనే లెవెల్లో వాతావరణం.. అన్నీ హాంఫట్ అయిపోయాయి. ప్రస్తుతం ఆ రెండు దేశాలూ.. శాంతిమంత్రం జపిస్తున్నాయి. అగ్రరాజ్యం అమెరికా, ఉత్తరకొరియా మధ్య ఉప్పూ నిప్పులా ఉన్న పరిస్థితులు.. ఒక్కసారిగా చల్లబడ్డాయి. కూర్చొని చర్చలు జరుపుకోవాలని.. ట్రంప్, కిమ్ ల మధ్య ఒప్పందం కుదిరింది. అమెరికా విదేశాంగ శాఖ మంత్రి ఉత్తర కొరియా టూర్‌ను ముగించుకుని వచ్చిన కొన్ని గంటల్లోనే.. టైమ్ అండ్ డేట్‌ను ఫిక్స్ చేశారు.. అధ్యక్షుడు డొనాల్డ్ ట్రంప్. 

వచ్చే నెల 12న సింగపూర్‌లో ఈ చరిత్రాత్మక భేటీ జరగనుంది. అయితే ఎజెండాపై ఉత్తరకొరియా మౌనంగా ఉన్నా.. అణ్వస్త్ర రహిత కొరియాపైనే చర్చ జరుగుతుందని అగ్రరాజ్యం భావిస్తోంది. అయితే తమపై విధించిన ఆంక్షలను ఎత్తివేయాలని ఉత్తరకొరియా డిమాండ్‌ చేసే అవకాశముందని చెబుతున్నారు. ఇక ఈ సమావేశం తమతో సత్సంబంధాలున్న సింగపూర్‌లో జరిపేందుకు అమెరికా మొగ్గు చూపింది. ఇటు ఉత్తర కొరియాకు సింగపూర్‌తో గతంలో దౌత్య సంబంధాలున్నాయి. 

ఇదిలా ఉంటే.. ఉత్తర కొరియా నిర్బంధం నుంచి విముక్తి పొంది.. స్వదేశానికి చేరుకున్న ముగ్గురు అమెరికన్లకు ట్రంప్‌ సాదర స్వాగతం పలికారు. వారిని తీసుకొచ్చిన విమానం ల్యాండ్ కాగానే.. మెలానియాతో కలిసి ట్రంప్‌ విమానంలోకి ప్రవేశించారు. అత్యంత సంతోషంతో స్వదేశానికి స్వాగతించారు. దీనిపై ట్రంప్ స్పందిస్తూ.. కిమ్‌కు ప్రత్యేక కృతజ్ఞతలు తెలిపారు. బందీలను విడుదల తనకు దక్కిన గౌరవం అన్న ట్రంప్.. కొరియా ద్వీపకల్పం అణ్వస్త్రరహితంగా మారినప్పుడే తనకు అసలైన గౌరవం లభించినట్లు భావిస్తానని చెప్పుకొచ్చారు. 

ఈ పోషకాలు అందుతున్నాయా.!

గర్భిణీగా ఉన్నప్పుడు పోషకాహారం తీసుకునే మహిళలు ప్రసవానంతరం పాపాయి సంరక్షణలో పడి, తమ ఆరోగ్యాన్ని నిర్లక్ష్యం చేస్తారు. ఇంకొందరైతే, డైటింగ్‌ పేరుతో ప్రయోగాలు మొదలుపెడతారు. కానీ అప్పుడూ పోషకాహారానికే ప్రాధాన్యం ఇవ్వాలి.

బాలింతలకు మాంసకృత్తులూ, విటమిన్లూ, ఖనిజాలు అవసరం. ఇవి సమానంగా అందితే తల్లిబిడ్డా ఆరోగ్యంగా ఉంటారు.

ఆహారంలో ఒమేగా 3 ఫ్యాటీ ఆమ్లాలుండే సాల్మన్‌, ట్యూనా చేపలూ, చికెన్‌, బీన్స్‌, చిక్కుడు జాతి గింజలు తీసుకోవాలి. అలాగే ఇనుము, కాల్షియం, పీచూ, సంక్లిష్ట పిండి పదార్థాలు అందేలా చూసుకోవాలి. 
పాపాయికి పాలు పడుతున్నప్పుడు తల్లికి విటమిన్‌ సి తప్పనిసరి. నారింజ, నిమ్మ, బత్తాయి వంటి నిమ్మజాతి పండ్లు తీసుకోవాలి.

గుడ్డు పచ్చసొనలో డి విటమిన్‌ ఉంటుంది. భోజనంలో దీనిని తీసుకుంటే డి విటమిన్‌తోపాటూ శరీరానికి కావాల్సిన మాంసకృత్తులు కూడా అందుతాయి.

ఒత్తిడికి కారణాలెన్నో..

ఇంట్లో చోటుచేసుకునే చిన్నచిన్న సందర్భాలు కూడా తెలియని ఒత్తిడికి దారితీస్తాయి. అయితే ఇవన్నీ పైకి కనిపించని కారణాలంటున్నారు నిపుణులు. అవేంటో తెలుసుకుని, వాటిని ఎలా అధిగమించాలో చూద్దాం.

సామాజిక మాధ్యమాలు కూడా తెలియని ఒత్తిడిని కలిగిస్తాయి. స్నేహితులతో మాట్లాడేందుకు ఇదో వేదిక కావచ్చు, కానీ అదేపనిగా దానికి సమయం కేటాయించడం వల్ల ఒత్తిడి పెరుగుతుంది. అందుకే అవసరానికి మించి ఫేస్‌బుక్‌, వాట్సాప్‌ల జోలికి వెళ్లకూడదు. ఆ సమయాన్ని మీ కోసం వినియోగించుకుంటే ఒత్తిడికి లోనుకాకుండా ఉండవచ్చంటున్నారు.

కొందరు ఒకేసారి ఎక్కువ పనులు చేసేస్తుంటారు. అది సామర్థ్యం అనుకోవడం మంచిదే. అయితే అది కూడా తెలియకుండా ఒత్తిడికి దారితీస్తుంది. అందుకే ఒకసారి ఒక పనిని మాత్రమే చేసేలా చూసుకోవాలి. దానికో ప్రణాళిక పెట్టుకోవాలి.

సమయం పాటించలేనప్పుడు కూడా ఒత్తిడికి లోనవుతారు. కార్యాలయానికో, మరోచోటికో వెళ్లేటప్పుడు ఏ మాత్రం ఆలస్యమైనా ఒత్తిడీ, కంగారు తప్పదు. అందుకే ఎక్కడికైనా వెళ్లాలనుకున్నప్పుడు ఓ పదినిమిషాలు ముందే బయలుదేరేలా చూసుకోవాలి. ఆ ప్రకారం మిగిలిన పనుల్ని పూర్తిచేసుకోవాలి.