తాజా వార్తలు

Thursday, 5 May 2016

చకచకా బాంబులు చేస్తాడు..!

చూడటానికి సాధారణ వ్యక్తిలా కనిపిస్తాడు. అతడు వాడేవి మాత్రం చాలా ఖరీదైన వస్తువులు. అతడ్ని కలవాలంటే చాలా పెద్ద విషయమే అవుతుంది. రెండు డజన్ల ఫోన్ కాల్స్ మరాలి, అన్ని కాల్స్ వెరిఫై చేసుకుని ఎంతో కష్టపడితే గానీ ఆ వ్యక్తిని కలుసుకోవడం కష్టం. అతను చేసేదే ఉద్యోగమో, వ్యాపారమో కాదు.. బాంబులు తయారు చేయడం అతని పని. అందరూ అతడ్ని బాంబ్ ఎక్స్ పర్ట్ రఫీక్ అని పిలుస్తారు. అతడు ఉండేది పశ్చిమబెంగాల్, బీర్భమ్ జిల్లాలో రవీంద్రనాథ్ ఠాగూర్ శాంతినికేతన్ కు సమీపంలోని గ్రామంలో ఉంటాడు.

స్థానిక మీడియా అష్టకష్టాలు పడి ఎంతో ప్రయత్నించి అతడ్ని కలిసి ఇంటర్వ్యూ చేసింది. అతడు చెప్పిన వివరాలు వాళ్లను షాక్ తినేలా చేశాయి. బాంబు తయారు చేయడానికి ఎన్ని నిమిషాలు పడుతుందని ప్రశ్నించగా, కేవలం 5 నిమిషాల్లో తయారుచేసేస్తానంటూ గర్వంగా చెప్పేసరికి రిపోర్టర్ షాకయ్యాడు. ఎన్నికల సమయంలో చాలా పార్టీల నేతలు తనను వీఐపీగా చూసుకుంటారని, ఏసీ కారు పంపితే తప్ప తాను జర్నీ చేయనని ఎలక్షన్స్ వేళల్లో డిమాండ్ చేస్తుంటానని వివరించాడు.

రోజుకు దాదాపు రెండు వేలు తయారుచేస్తానని, అసిస్టెంట్లు అందుకు సహాయం చేస్తారని చెప్పాడు. ప్రతి రాజకీయ పార్టీ నేతలు తనకు ఫోన్ కాల్స్ చేస్తుంటారని  తెలిపాడు. బాంబులు చేసినందుకుగాను రోజుకు 5 నుంచి 10 వేల రూపాయలు తనకు అందుతాయన్నాడు. డిమాండ్ ఎక్కువగా ఉన్నప్పుడు సగం రోజుకే రూ.10 వేలు తీసుకుంటానని చెప్పాడు
« PREV
NEXT »

No comments

Post a Comment